الجبيل الصناعية:مقبرة العزاب…
إحدى مصانع الجبيل
حديثي اليوم عن مدينة الجبيل الصناعية: مقر اقامتي الجديد لظروف العمل….
كواحد جاي من الـ”Big city”….وجدت اختلاف كبير في نمط المعيشة بشكل مرعب!!
مدينة الجبيل الصناعية تبعد حوالي 100 كم عن مدينة الخبر قلب المنطقة الشرقية…..تأسست في منتصف السبعينات عشان تصير مركز المملكة في تصدير البتروكيماويات للعالم…و عشان تقلل المملكة الاعتماد على النفط…
كورنيش الفناتير....شبه كورنيش جدة بالضبط!
عموما….كـ”جداوي” في كم حاجة ماني قادر أستوعبها في البلد هذي الى الآن:
1- البلد منظمة بشكل مرعب جدا!!!!…..الحي الواحد مقسم إلى محلات و المحلة الواحدة مقسمة لعدة حارات….يعني مالفي أمل تضيع… الشوارع مرتبة و نظيفة جدا مافي مطبات مافي حفر مافي عشوائيات…
2-أغلب المحلات تقفل في حدود الساعة عشرة….ايوة الساعة عشرة….و بالكثيييييير 11 يعني لو جعت الساعة وحدة كل اظافرك….
3- مافي تكاسي خير شر!
4- أغلب الشوارع فاضية تحس نفسك كأنك في مدينة أشباح
هذا كله يخليها بلد رومنسيييييييية جدا و تنفع للمتزوجين الجدد بقوووة…..بس ليا فيها عتب صغير جدا….
البلد داعسة على الشباب العزاب دعسة قوية جدا….و أنا ما أتكلمت إلا لما عانيت هذا الشي بنفسي….
مساكن العزاب مرمية في طرف المدينة بعيد عن مساكن العوائل….اوكي مو مشكلة فكة من العوائل “السعودية” و قلقهم…..لكن عشان أنا عزوبي محكوم عليا أعيش في مكان وسخ ما في احد يهتم فيه هذا اللي ما أقبله….
“حي البحر” أو “المعتقل” زي ما انا أسميه….من أوسخ أحياء الجبيل الصناعية….مرتع للكلاب و الحشرات و الزواحف بأتواعها…..الممرات بين المباني وسخة مافي أحد يهتم فيها…خدمة الإنترنت سيئة فيه….مطاعم كثير ترفض توصل له….الدوريات رايحة جاية فيه….كل هذا عشانك “عزوبي”….
و فوق هذا كله….السكن عبارة عن غرفة و حمام عارفين بكم؟ ب 1500 ريال في الشهر…..يعني 18 الف ريال في السنة….هذي في جدة أجيب بيها شقة غرفتين و صالة و أعيش أحسن عيشة…استغلال ما بعده استغلال….
و لا تخلوني أبدأ عن الترفيه…اوكي في أندية رياضية بس أنا عندي 10 ساعات وقت فراغ مو معقول كلها أقضيها في الجيم…هذا إذا فكرت أروح…فتلاقي أغلب الشباب رجولهم تعودت على القهاوي لأنه مافي مكان ثاني يلمهم غيرها….
مرة رحت أقضي من مركز تجاري….و قابلت صديقتي اللوحة الشهيرة “ممنوع دخول الشباب من الساعة 4 إلى الساعة 11″…..يا راقل؟!….أنا دوامي يخلص الساعة 4 و المركز يقفل 11…متى أدخل يعني؟؟؟
المشكلة لو انه في أحد زي الناس تتفاهم معاه كانت انحلت المشكلة….لكن مع احترامي الشديد للسيكيوريتية أغلبهم بهايم ما تفهم و فاكر انه خلاص بالبدلة اللي لابسها العباد صاروا تحت رحمته…يا عمي طيييييييييييير! هيا فسحنا خلاص ما نبغى نشتري ….أنزل الخبر في الويك إند و أقضي من هناك….الراشد مقدرين ظروف الشباب شوية على الأقل عارفين انهم لازم يلبسوا ملابس…
الويك إند؟ هههههههههههههههههههههههههههههههههاي يا حبيبي دقيقة ما أقعد في المعتقل….أول ما يخلص دوام الربوع أغير ملابسي و أمسك خط للظهران عند الشباب في الجامعة أتكي عندهم الويك اند كله….
كلمة أخيرة: حال العزاب في مدينة الجبيل يفكرني بالـ”قيتو” أو احياء اليهود في مدينة البندقية قديما…..محاصرين مقهورين…
مجتمعنا قمة في النفاق و الأنانية….يطفشوا الشباب من البلد و اذا قرر الشاب انه يطلع برا يشم هوا قالوا: “وش عندك تتسربت؟”
تحياتي لكم 
ترقبوا تدوينة الأربعاء: Via Dolorosa
4 سنوات :)
على 
على
..
مرحبا ..
كذا أول تعليق لتدوينتك عن الجبيل راح يكون مني بما إني من سكانها
..
هو كذا صح بالضبط زيي كنت أطلق عليها مدينة أشباح لإني أحسها من دون حياااااة !!
..
.
كذا مسلوب منها كل شي
ولما الواحد يطفش صراحه مافي مكان يروح له في الجبيل عشان يرفه عن نفسه شويه .
حتى المول كذا على بعضه مو زي الناس .. محلين ورد غطاهم
ماأعرف صراحه شي عن عيشة العزاب وعذابهم .. لإن الأحياء السكنيه مرتبه ونظيفه ..
بس من جد الله يعينكم ويساعدكم ..
بس مع هذا كله ومع إن مافيها شي ومدينة أشباح وهادئه مره ..
.
تظل تعجبني وأفكر بعدين أستقر فيها نهائيها لإن متوفر فيها وسائل راحه كثيييره ..
ومناسبه لبناء جو عائلي في المستقبل
وبس
بالفعل مجتمعنا يملك الكثير من الأفكار السلبيه والتناقضات الرهبيه التي لاتجدها في اي مجتمع اخر ،أحيانا أحاول مجرد المحاوله ان استوعب لماذا هذه التناقضات ولكني استعذ بالله لانني متأكده انني ساصاب بصداع قد يكون قاتل /واعجز عن التفسير ..
معاملة المجتمع للشباب لدينا معامله ظالمه وغبيه جدا وكأنهم كائنات من الفضاء لاهدف لهم سوى التخريب والاغتيال واحداث الفوضى في كل مكان يتواجدون فيه المشكله انهم ابنائناواخواننا/
ولكن تعميم الفكره السلبيه على فئه معينه وتقسيم الناس حسب معايير اقل مايقال عنها غبيه وناتجه عن غباء اجتماعي ،سمه يتميز بها المجتمع للأسف
،
الله يعينكم ويعيننا
وحدة من صحباتي كانت من اهل الجبيل .. جات مكة وكل شي تطل فيه كدا
طبعا مكة اقل بمستوى من جدة من حيث الترتيب واشياء كثير ..
اول مادخلت مدرستي انفجعت (هادي وهيا مبنى نموذجي) وكانت دايما تستنكر وضع البلد هنا ..
ماقد زرت الجبيل بس اعرف انها تشبه ينبع .. وينبع (تموت)
الله يعينك ..!
هههههههههههههههه
والله شوف … انا ساكن عند اهلي و احس ان ما في اماكن …كيف انت
بس صدقني … المدينة هذه اعرف ناس كثير سكنوا فيها … اول ما سكنوا قالوا بس نتقاعد ما راح تشوفونا هنا … الحين لو ايش ما يطلعون من المدينة … تعودوا عليها و على هدوؤها ..
التكاسي موجودة يا وسيم … بس تحت الطلب .. تدق عليه و يجيك .. لن الهيئة الملكية مانعة شغلت توقف على الرصيف و ما تشوف الا تاكسي ساقط على العالم علشان ياخذ زبون …
المطاعم فاتحة الى 2 الليل و بعضها 24 ساعة
المدينة ماخذة جوائز على مستوى العالم … مدارسها الحكومية اطلق من اطلق مدرسة خاصة بسعودية .. جميع طلاب المدينة تتكفل الهيئة بنقلهم من المدارس الى البيوت و بالعكس مجاناً .. باختصار اذا تزوجت بتستقر
قعدت فيها 3 ايام قبل سنتين ما اقول الا عساها ما تنعاد
مصيبة !
المصيبة الأكبر .. أنهم يظنون أنهم خلقوا للعمل !!
العمل .. جزء لا يتجزأ من حياة لابد أن تمتلئ بالعبادة والمرح والاجتماعات الأسرية ..
الجبيل بلد عملي .. مليون بالمية !!
أعانك الله
والله ياوسيم اني رحمتك
ضاق خلقي لحال العزوبيه في بلدكم
عمومااا المفروض يهتمون اكثر بهالشريحه
لانهم بيظلوا فتره طويله عزابيه
تخيل كميه الكبت اللي بتكون فيهم
الله يعين
ويفكك من المعتقل ومدينه الاشباح
سلالالالالالالام ياخيي
تصدق .. شوقتني أروح أزورهــآ
<- مـآ قد شفتهآ خخخ ~
"
بس من كلآمك الوضع ما يطمن
أول حآجه حكآيه التقفيل بدري ~
الوضع هذا احس مرررا ماينفع بالذات فالإجآزه ..
<- يآزين جده بس
"
أما بالنسبه للعزوبيه ~
بصرآحه / هذا غلط ..!!
المفروض برآيي سواء فالجبيل او غيره ..
نخلط العزآب بالعايلات ..!
نحسسهم شويا انا نحنا وهما مجتمع وآحد نحنا هما وهما نحنا ~
اش يصير لو كآن المنتزه للشباب والعائلآت وبنفس الوقت يصير فيه ارشادات انو ياشاب ترا هالعائله اعتبرها عائلتك احترمها واحترم قيمك ..
دفاشة الشباب اللي نشوفها من الكبت الحآصل لهم ~
ع الأقل المفروض تتوفر بدآئل اذا بيعزلوهم كذا ..!
<- مو بس يوفروا لهم نوآدي ويقوو عضلآتهم علينا
"
أما بالنسبة للتنظيم .. برآفو عليهم والله
أنا اذا تكلمت ما أخلص خخ
بس الموضوع يحمممس وأحسك مقهوور مرا ~
بس اش تسوي اصبر واحتسب وحآول تشغل نفسك بشيء يفيدك
وربنآ معك انت وكل شبــآبنآ الخيرين ..
أعزائي أصدقاء المدونة
سعيد جدا بردودكم و إن شاء الله غدا أقوم بالرد عليكم نظرا لضيق الوقت
تحياتي لكم
أهم شي انها منظمة و هادية
و لو كان السكن محترم … فراح تلاقيني أول واحد ناقل هناك
غير كده التمشيات و التقفيل المبكر بالنسبة لي ما تفرق كثير… و زي ما قلت طالما الخبر و الظهران قريبة فالويكند هناك.
ذكرتني بكلام لـ بندر رفة:
http://bandar.raffah.com/wp/?p=2058
بالنسبة لدخول المولات.. هل جربت بالمناسبة حركة “وريهم بطاقة الشغل”؟.. ربما يعدوك اذا شافوا انك موظف في شركة محترمة..
و كل عام و أنت بخير
الجبيل مدينه نظيفه ومنظمه
تعجبني لكن جوها يقتلني
تعجبني رغم انني لاحبذ العيش فيها
وكل سنه وانت بخير
- البلد منظمة بشكل مرعب جدا!!!!…..
هههههههههههههههه
الجبيل مع إني ماأحبها لكنّها مدينة راقيه وبالفعل تتحول
لمدينة أشباح في الليل !
وخآصه اللي متعود على المدن الكبيره وصخبها
بوست جميل وكان الله في عونكم ياشبابنا :-D
بيني وبينك ~ منع دخول الشباب للمجمعآت قمة في التخلف
صراحه !
ميوته:
“ماأعرف صراحه شي عن عيشة العزاب وعذابهم .. لإن الأحياء السكنيه مرتبه ونظيفه ..”
انتي قلتيها بنفسك….الأحياء السكنية…و ليس المعتقلات
المجتمع ماشي على مبدأ “الخير يخص و الشر يعم” و “الباب اللي يجيك منه ريح سده و استريح”….منع في منع في منع و شك لدرجة خلت بعض الشباب اذا مشيت قدامه عيلة يبعد عنهم عشان لا يفتكر أحد انه بيطاردهم
و الله يا جماعة قدرات هائلة ضايعة على الفاضي
يعني لا الواحد يتزوج بسهولة
و لا أحد بيقدر معاناته و يحترمه
و لا أحد يثق فيه
اي جميل راح يرده هذول الشباب للمجتمع؟؟
الله يعيننا جميعا…بالذات الشباب…
شي طبيعي لأن بالفعل الجبيل مرتبة و منظمة جدا جدا
يوسف
“باختصار اذا تزوجت بتستقر”
هذي الرسالة اللي بتوصلها الجبيل للعزاب
طيب…و الزواج ما يبغاله تكوين نفس و تجميع فلوس؟…في الفترة هذي ليش محكوم على العزوبي انه يكون منبوذ؟
أتزوج..أستقر…..لسه ما اتزوجت يندعس على وجهي
منطق عجيب من مجتمع غريب
مراد: ايش رأيك يجي تاخذ اسبوع كمان؟ محمول مكفول و كل شي؟
غطيني و صوتي يختي غطيني و صوتي
يهتموا؟ ههههههههههههه حلوة
معليش العزوبية مطرودين من رحمة المجتمع و لن يرضى عنهم إلا بصك الغفران “العائلة”
يعني لو أنا متزوج ما يمديني أخربها؟
بالعكس الشبهات حتكون بعيدة عني و أقدر أسوي اللي أبغاه
مجتمع متخلف….
و انت الصادق…المصيبة الأكبر أنهم يظنون أن العزوبية مرض أسوأ من الجذام
سارة الحربي:
“أما بالنسبه للعزوبيه ~
بصرآحه / هذا غلط ..!!
المفروض برآيي سواء فالجبيل او غيره ..
نخلط العزآب بالعايلات ..!
نحسسهم شويا انا نحنا وهما مجتمع وآحد نحنا هما وهما نحنا ~
اش يصير لو كآن المنتزه للشباب والعائلآت وبنفس الوقت يصير فيه ارشادات انو ياشاب ترا هالعائله اعتبرها عائلتك احترمها واحترم قيمك ..”
إن شااااااااااااااااااء الله في أول فلم خيال علمي من إنتاج سعودي
إسماعيل باشا:
“بالنسبة لدخول المولات.. هل جربت بالمناسبة حركة “وريهم بطاقة الشغل”؟.. ربما يعدوك اذا شافوا انك موظف في شركة محترمة..”
مو هنا المصيبة….يجيك السيكيوريتي المتخلف اللي فيه كل عقد النقص بسبب إنه كان صايع و لا كمل الإبتدائية حتى و تحطه في منصب سلطة ايش تتوقع منه؟
أول ما يشوفك جاي من بعيد يبدأ يتحفز و يستعد…بعضهم الله ياخذهم يوقفك و انت مع أهلك و تقولي بطاقة عمل؟؟؟
صمتي كلام: و انتي بخير
ابتسامة روح:
“بيني وبينك ~ منع دخول الشباب للمجمعآت قمة في التخلف”
أهلا بكي في العربية السعودية
والله يا وسيم أنك بطل ..
كتبت بروح العزوبي المضطهد بإبداع متناهي ..
^
بصراحة حياة العزوبي صارت جحيم .. الكل يقدر العوائل كأنه احنا عيال الشغالة ما دامنا باقفين من دون زواج .. يحسبوا انه كل واحد قادر يتزوج وهو لسى طالب ..
أنا من زمن اعتزلت الأسواق حتى الوالدة نادراً أوديها السوق .. ليش أروح واتعب نفسي من المناظر ومن سوء تعامل الناس اللي فيه ..
الحل الوحيد اللي ممكن تتخذهـ أنك تنزل السوق بثوب شحات حتى ما يقولوا جاي يغازل او جاي لقلة ادب ..
من جد حالنا مؤسف .. ولكن ما أحد على باله ..
^
لو مكانك انا يا وسيم .. كان أستأجر في الخبر أو الظهران .. وعادي مشوار ساعه كل يوم ولا القرف اللي انت وصفته لنا بسكنكم بالجبيل ..
تحيتي لكـ ..
ورحم الله حال العزابية
يووه اول مره ادري انكم يالشبااب مضطهدينن عندنا
..طيب ليه ماتسوون مظاهرات وتضربون عن كل شي انت والمساكين الي معك 
يمكن تحس الهيئه على دمها شوي 
<<اااوت
على كثر ماقلت على كثر المغاازل الي يجينا حنا يالبنات
بس والله رحمتك
بس صرااااحه امووت عالجبيل يكفي ان مدارسها الحكوميه ازين من عشرين مدرسه اهليه بالسعوديه
وبيوتها واحيائها على قولتك مرره منظمه ونظيفه
بس من جد الي يتعود عليها مايبي يطلع منها ابد
وكل عام وانتو بخير
بس بس .. بس يا أمو زكي حتموتي نفسك يا أمو زكي
يااااااااااااااااالله ولله جبتها علىا الجراح اخوي
يا زين الحجاز بسسس يا زين ديرتي المدينة المنورة فيدتهااااااااااا مووووووت
الجبيل مدينة عمل فقط بس متى علىا الله نفارق الجبيل
يعطيك العافيه اخوي …
كل شخـــص له وجهة نظر في اي مدينه وتكون وجهة النظر على حسب الرغبـــات الشخصية …
١- أعتقد مسألة تنظيم الاحياء تحسب للجبيل ولا تحسب ضدها على اساس ان الاحياء مناطق سكنيه لكل مسكن عنوانه الخاص … يعني مع احترامي هل مسألة ايجاد المكان المقصود في مده اقل بعشرة اضعاف من مدينة جده يحسب ضد مدينة الجبيل …
٢- اوافقك ان اغلب المحلات تقفل الساعه ١٠ بس مثلها مثل الدمام والخبر وغيرها … << نتكلم عن محلات ليس لها اي علاقه بالتغذيه … اما بالنسبه لمسألة
الجوع آخر الليل فهون على نفسك في مطاعم ٢٤ ساعه ومجموعه كبيره من المطاهم والكافاتيريات ما تقفل الا الساعه ٢… <<< اتوقع كتبت الموضوع وانت جوعان …
٣- مسألة التاكسي اخالفك فيها تماما … صح مو موجود في الشارع وهذا الافضل .. لكن في ٥ دقايق يجيك … عندك الافضل وهلا و هانكو وغيرها الكثير بالاضافه الى السواقين الخاصيين الي ارقامه موجوده في كل مكان … <<< من الي في الزمن ذا ما عنده سياره
٤- مدينة اشباح << والله ظلمتها … شوف الجبيل تكون زحمه الى الساعه ٩ – ١٠ في الايام العاديه وبعدها كل واحد يروح بيته لكن تلقى الشباب في الشواطي والمنتزهات .. لكن ايام الويكند والاجازات معليييييييييه دورلك مكان في الجبيل كلها تتكي فيه مستحيل يمكن حتى اذا عندكم بيت تلقاه زحمه … اما اذا انت تفرفر في الاحياء فوش الي يوديك عنده اكيد مو ملاقي احد بيوت عالم ما راح يتكون برا …
٥- للعوايل هي المكان المناسب في المملكه بلا منازع .. عيش حياتك وارتاح … افضل البيوت … افضل المدارس … حياه هادئه … نظافه غير طبيعيه … مويه صافيه ونقيه … كهرباء ما ينفصل الا نادر ولمدهة ثواني ويكون عندك علم بهالشي … اتصال نت على جميع المنتزهات والشواطي … وبالنسبه للطلاب في الكليات عندهم مرافق هائله … انديه رياضيه غير طبيعيه … ناقصها ملاهي << مو مشكله وقت الملاهي الويكند والويكند طب فيه عالدمام والا الخبر كلها ٤٠ دقيقه حتى اذا ودك بملابس احسن لك …
٦- بالنسبه للعزاب لا اخفيك هي النقطه الوحيده الي اوافقك فيها ولكن بتحفظ شديد … حي البحر حي قديم .. وانت لو تلاحظ الهيئه ازاحت حي الشاطي ووفي الطريق لازالة جميع الاحياء القديمه واعادة بنائها للعزاب بشكل جميل … <<< ما يغير من الموضوع العزاب مظلومين .. بس مو لهالدرجة الي انت تتكلم عليها … الشباب الحين يحاولون يستاجرونها باي مبلغ لانها كويسه موبطاله … يعني غرفتين وصاله وحمام ومطبخ وتدفع بس ٧٥٠ كشخص واحد والله شي حلو … << انا حاليا في امريكا ولو تشوف المجتمع الي هنا الجميع ساكن في نفس هالتصميم وانا منهم شقه لشخصين جميله
برضو انا معك انه لازم يكون لهم سكن افضل او اجدد ممكن ومعك في مسألة المجمع التجاري لانه مجمع واحد لا يكفي بس من ناحيتي اوافقهم حاليا في قرار منع العزاب حاليا لان وش الي بتشتريه من المجمع <<< المجمع شبه نسائي فليه الشباب يدخلونه والمحلات الي للشباب يبغونها موجوده منفرده خارج المجمع وعددلي وانا اعددلك …
اخوي احنا مو في نقطة خلاف لكن الي رايته من الردود انه نظرة الناس للجبيل سلبيه … انا بوضح نقطه وحده واتمنى انك توضحها برضو معايا … الجبيل مدينه عمرها قصير جدا ومن يوم ليوم تشوف شي جديد واظنك شفت المشاريع الي حاصله الحين وشفت بعد ٣ سنوات وش بيكون في الجبيل من ملاهي ومجمعات وشاليهات << للمعلوميه شواطئ الجبيل وشاليهاتها ومخيماتها من افضل الاماكن الي ممكن تزورها … فاعتقد من الظلم انك نحكم عمدينه كالجبيل بمقارنتها بجده <<< مع اني افضل الجبيل علما باني اقضي ما لا يقل عن شهرين في جدة كل سنه …
اخوي عيش حياتك واستانس ومر عالفنار وخذلك موكا بارد والا شاي نعناع وخذلك فره عالكورنيش وبعدها مر عالرمانه وخذلك شاورما وانت راجع الشقه خذ مانجا بالايسكريم من فرغلي ….
وكلمة رجل مني انه بجي اليوم الي بتقول فيه الجبيل افضل مدينه وما ودك تطلع منها مو لانها كامله لا لانها ساحره << يمكن من الاشباح الي تتخيلها هع
دمت ودمتم بود
اول شي السلام عليكم ثااني شي حيااك الله في الجبيل
حبيبي الجبيل مدينه عمل التررفيه والحووسه رحنا حق الخبر ولا الدمام كلهاا ساعه
واذا على الشباب وشو تبي اذا العواائل ماافيهاا امااكن عشاان الشباب
وعلى فكره احمد ربك انه في كررنيش يستقبلك هناك بعض المدن مااتستقبل شباب
والمجمع الا في الجبيل كان فيه
شباب بس من كثر الامشااكل الله يهديكم صاار كذا ويعني تكلم على
النظاافه مع احتراامي حق جده ……………
وبث
وبدون الجبيل مااقدر اعيش 
السلام عليكم
يمسيك بالخير اخوي وامسي على جميع الاخوة الي ردو على مدونتك هذي الي بصرااحه كتبت احدى معانتنا نحن يالشباب في مدينة الجبيل
لكن رغم هذه المعاناة الا اني اضم صوتي الى صوت الاخ اهم واحد لكن احب اعلق على بعض النقاط الي هو طرحها
بما ان الجبيل ديرة عمل وشغل لازم يكون مقابل هذا العمل ترفيه علشان يكون فيه توازن من ناحية الراحه النفسيه للموظف ولعل من اهم حفزات الموظف الناجح هي الراحه النفسيه لديه يعني فيه فرق بين اعزوبي ومتزوج في مدينة الجبيل
العزوبي طاقته النفسيه بالشقه مقهى شيشه ( ابو هيثم ) ولا تكية بالكورنيش وماغير مقابل تماسيح مثله
اما المتزوج يقابل وجه حسن اقل شي ويروح ويجي مع المدام لاي مكان مجمع الفناتير متنزهات شاليهات يعني الحمد الله ماهو ناقصه شي
وقارن النفسيه بين هذا وهذاك
صحيح العزوبي ماراح يقعد طول حياته عزوبي لكن بالفتره هذي لازم تكون نفسيته مرتاحه
والحمد الله بحثت عن اهم المشاريع الترفيهيه في مدينة الجبيل وباذن الله راح تكون الجبيل في نقلة نوعية جذريه من اضافات الى المدينة لاربع سنوات قادمه ان شاء الله
واصبر ياخوي ان الصبر مفتاح الفرج
اعتذر عن الاطاله تعليق وحبيت اقوله
اولا وقبل كل شي السلام عليكم واسعد الله ايامك
يالله حيي شباب الـ KFUPM
وتفتك من عيشة العزاب
وسيم عازب اجل يالله يارب يجيبلك الزوجه الودود الولود اللي تخليك
شين متزوج
ياخوي الحال من بعضه وعندنا وعندك خير .. انا اول ما توظفت بالجبيل قعدت ادور فيها على سكن طبعاً في البدايه رحت ادور في الصناعيه ومثل ما قلت ما لقيت الا بالخرابه اللي يسمونها “حي البحر” حي اقل ما يقال عنه انه خرابه وفوق هذا غالي .. اما اللي يقوله الاخ آهـــم واحــــد ان غرفه “كويسه موبطاله” فانا اقوله استرييييح بس مافيه الا هو بالصناعيه
والا انك تروح تدور في الجبيل البلد
عاد الجبيل البلد اعجوبه من عجائب الدنيا وش اقول و وش اشرح اتكلم عن المويه وانقطاعاتها المتكررة ولا مالحه بعد والا الشوراع اللي بين كل حفره وحفره حفره يعني راح تكون عضو فاعل في ازدهار ورش السيارات
وايش بعد .. الصرف الصحي و العماله الهنود والبنقاليه ولا اللي يغبن ويرفع الضغط ان الاسعار فيها بعد غاليه على ايش ابي افهم الصناعيه هاه نلقى لها عذر مدينه مرتبه ومتعوب عليها اما هذي ليش ابي افهم
خلاصة القول انا بعد ما سكنت في الصناعيه والجبيل البلد قلت ياولد وش لك بهذا كله ما لك الا انك تمسك الخط رايح جاي كلها 80 كيلو وانت في الدمام و 100 وانت في الخبر وهذا اللي حصل
هذي عصارة خبرتي اللي ماتجاوزت سنه اذا تبي ترتاح نفسياً
مالك الا انك “تصنفر” طريق الجبيل يوميا رايح جاي
والا تتزوج
يا جماعه انا المفروض السنه الجايه كلها اقضيها في الجبيل و انا جاي من القاهره بجد انا خايف جدا و قلقان جدا خصوصا بعد الكلام اللي انا سمعته و بالذات اني عازب
) حد يقول اي حاجه
يا راجل!….
جاي من قاهرة المعز…بلد العشرين مليون….و على الجبيل بلد ال 15 نسمة مرة وحدة!…
ما أبغى أحطمك….لكن ما أعتقد إنك راح تتأقلم….بإختصار بلد أموات…
اوافقك ياوسيم في انها مدينه هاديه ومرتبه ( رومنسيه ) وهذا اهم شي ..
اما عن احيائكم العزابيه فما سئلت العزاب اللي اعرفهم من اهلي عن حياتهم .. بس الله يعينكم ويكون بعونكم وإن شاء الله ان الهيئه تنتبه لكم اكثر (بس ماكأنهم اللحين قاعدين يبنون شقق للعزاب في حي دارين اللي ع البحر ) إن شاء الله يكون لك نصيب منها وللجميع ..تقبل رائيي 
ولا القهر ان مافي وسائل ترفيه زي الناس تبغى تستانس وتقضي اجازتك فلللله روح الدمام ولا الخبر في الوكيند مادري ليش لسى مو راضين يسوون لنا اشياء ترفيهييه ولا المجمعات اللي مافكروا يسوون زياده عاجبهم الوضع كيذا بس الحمدالله شكلهم توهم صحوا من غفلتهم وبدو يتطورون بشويش ..وإن شاء الله يكون للأحسن والارقى والاجمل..وترضي الجميع الزوار والمفيمين ..
يعطيك العافية أخوي وسيـم, وعساك على القوة على طرحك لمثل هالمواضيع الجادة …
صراحة ً, الجبيل الصناعية منطقة عمل بحتة, وأنا أسكنها الآن , أتكلم عن نفسي ” أنا مبسوط فيها ومأقلم وقتي على الترفية والجدية , وبالعكس مرتاح جدا ً, أطلع كل بين فترة وفترة إلى الكورنيش أشوف الناس والأطفال والحركة, وأتعشى بالمطاعم الحلوة ومنها أرجع للشقة على التلفزيون والأنترنت أتصفح القنوات والأخبار … وبكذا قضيت وقتي في المتعة وجعلت من المتعة ” إستفادة ” …وطبعا ً غير صحيح أن يكون عندك 10 ساعات إذا دوامك كان 8 ساعات والنوم على الأقل 7 وهناك فترات للصلاة …
وأحب أوضح معلومة بسيطه لكل من يمر هنا … هو أننا ” لماذا نتذمر من أشياء شبة ثانوية ونترك الأشياء الرئيسية , بمعنى , لماذا لا ننظر إلى أنجازاتنا وأننا نعتبرها على حدك قولك بأن تلك المقبرة ” تحدي لأنفسنا على التأقلم ” … << لا تعتقد بأنني أتفلسف , لأنني أنا من نفس الموطن اللي كنت فيه … " …
شوف انا بصفتي واحد ابغى ادخل جامعة او كلية الجبيل الجامعية واخلها بإذن الله رغم اني مو من اهل الجبيل
اقولك اللي يبغى افضل مناخ يهيئ للطالب الدراسة
فالجبيل هي الاختيار الانسب لانها مدينة تصفي الذهن مررره
وبعدين انت شوفلك اخويان اطلع معهم ساعتين ساعة ولا زورا بعض العبوا بلوت وسعوا صدوركم سوا
وشوي بيومك طقطق نت وشوي شوفلك برنامج ولا فلم وشوي اطلع تمشي وكم ساعة ذاكر فيها تستفيد والله بمر يومك وانت مبسوط
ولاتنسى الصلاة ترى الصلاة اساس من اسس السعادة والنجاح بالحياة بالاضافة الى بر الوالدين واسمع لمجرب
وبالنسبة ان العزاب مايدخلون مولات انا اللي اعرفه ان الجبيل مافيه اسواق كثير لكن على العموم اقولك السبب وبكل بساطة ان كثير من الشباب اصبح مصدر ازعاج اليوم لعائلات خخخ
بس تعرف وش السبب الاساسي ؟
الجبيل الصناعية مدينة اسست حق اللي يعملون بالشركات اللي فيها
وحتى توفرهم احسن مناخ ولكن الشباب مالهم فيها بس تدري
انا يكفيني كشابان الهيئة الملكية تصنع النجاح وتعطيه لطلابها في جامعة الجبيل الصناعية والجامعية واللي بيثابر راح ياخذ النجاح
وانا كم اعرف ناس كانوا فاشلين بالثانوي ودراستهم ولما طلعوا الجامعة قرروا يغيرون حياتهم وقالوا بنتعب وكل يوم بامسك اذاكر وباخذ لي دورة انجليزي وباتعلم ووو وبالاخير طلعوا ناس ناجحين وفاعلين بالمجتمتع يفيدون نفسهم ويفيدون وطنهم رغم ان تخصصاتهم كانت عادية بس ربك اراد لهم التوفيق
والجبيل للفكرة مدينة ناشئة وفيه مشاريع جاية كثير ان شاء الله
وبنفس الوقت انا بكلامي هذا ما اخالفك لكن احب ابين لك بعض الايجابيات اللي يمكن تطغى على قليل السلبيات
معليش على الاطالة
يعجبني حماسك….بس أبغاك توعدني بحاجة
تعال بعد سنة و قول لي رأيك
اوكي؟
صدقني بتحبها بس سالفت وقت وراح تدمن شي اسمه الجبيل نتقابل بعد كم سنه ان شاءالله وراح نشوف كيف راح تتغير نظرتك عنها تراني انسانه أعشق تراب الجبيل
بغض النظر اننا نعتبر من أول الناس الي عرفت الجبيل وأسسوها
كثير يشهد بالكلام الي قلته وحياك الله عندنا
تقبلوا مروري تحياتي لكم
جايينكم يارجال اهم شي فرص العمل
السلام
حبيت اففض زوجي شغله في الجبيل الصناعيه
والقهر ان كرته عطته بيت جاهز مجهز عشن نسكن فيها
واانا مو قادره اروح لان سكنت فيها شهرين
وسببت لي اختلاف مع زوجي
اوف
لمشكله في السعوديه منتشره عندهم ثقافه انو المراه عوره ولازم الشباب مايخطلتوا بالحريم رغم انو لو رحت الحرم المكي حيحصل اختلاط لوانو دي طبيعه البشريه والله فرضه كده ماممكن البشر تتدخل في وضع قوانين هي اصلا ماموجوده في الشرع بالاعتبار الاولى للعادات والتقاليد وليس الدين لانو الدين دين وسطيه برىء من كل هالجهل ولااساطير ثاني شى معامله العزاب كانهم في سجن غوانتانمو ومحاوله تهريبهم اقصد ترهيب نفسي في ظل الكبت والخنقه واكتر فتره يعشيه الشباب هذه الفتره لو ماحصل كل الحريه اكيد راح يدورها بره في السفر للخارج ويقول الشباب سافروا بره واتزوج عرفي وزواج مسيار ومشاكل الله يستر من عواقبها
اي يالجبيل احييييييييييييييه عليها بحاجه وحده هدواءها وبالنسبه للاماكن انصحكم بزيارت البحر وبس هو المكان الوحيد فيها
صلامن عليكم ..
انا ساكنه بالجبيل ..
صراحه بالليل وبالاجازات ما تندااس تخررع يعني مافيها احد
تستانس اذا لقيت سياره تمشي
وانا مره مريت داخل حي البحر باليل صراحه يخووووف !!!
بس اخوي يمدح النت هناك
والكوفيات
يا الــــــــــهي !!
لاااازم يفتحون وش ذااا !!! مافيه ولا كوفي !!
بس واحد ومدعووس وكله شيااب وخايس بعد يليته حلو
المطاعم !!
ليه بس ستيك هاوس وابل بيز بسس !!
ترى وقسسسم حنا بشر مثل اهل الرياض ومثل اهل الخبر ومثل اهل جده !!
ليه بس هالاثنين !!
المشكله الطعم مش ولا بد ما يعجب الكل
لا يفتحون كثير بس ع الاقل افتحو تشيليز << نقطة ظعفها
ومافيه اماكن للشباب ابببد ابببد
حرااام
ياحياتيني وش نسوي قدم طلب وانشالله اوقع عليه
الجبيل يبي لها ناس جااادين وصبورين
والا والله ان توسوس
انا مررة زارني قريب لي قعد يوم وانحاش وانا امسك فيه ابيه يطول وهو رفض يقول لو اقعد ثلاث ايام في الجبيل انحرف او ادمن هعهعهع
كل عام وانتم بخير
سكنت الجبيل قبل خمس سنوات تقريبا لكن اول ما اطلع من الجبيل اشتاق لها
اخونا يقول “يعني لو جعت الساعة وحدة كل اظافرك….” ما هو صحيح المطاعم المشهوره مثل هارديز وصب واي و ستيك هاوس و…… ما تسكر الا بعد الساعة ثنتين والبوفيات والمطاعم منها اللي شغاله اربع وعشرين ساعة
يقول الاكتئاب!!!!!
تبي منتزهات تلقى اجمل المنتزهات نضافة من الى ..
تبي اندية مكمله من الى .. موجودة
فية نادي نسائي على البحر بيفتتح في الاشهر القادمة
تبي اسواق …مجمع الفناتير ومجمع جديد شغالين فيه “سيتي بلازا” واااخر نسائي
تبي رحلات بحريه موجوده جزر قريبة من الجبيل
ودك تغير جو ما هو من بعد الدمام والخبر اهم شي انت مرتاح بالجبيل لا ازعاج لا وساخة وقذارة لا همجية في السواقه وهذي سببها التنظيم الوجود في سائر المدن ما عدا الجبيل
التكاسي فيه شركة نفل “تاكسي هلا” تتصل فيه يجيك للمكان اللي تبي
………………………………………………..
ليل الجبيل ونورها ينعش الروح…ما حلا الجبيل وليلها مع بحرها
نديم الجود
ظلمت حظك
يالبى الهيئه الملكيه
نظام ترتيب نظافه مدارس وجامعات ومستشفيات على درجه عاليه من الرقي
واحلى شي فيها الهدوء وش لك بالصخب والازعاج وربي الجبيل والهئيه الملكيه مافي منها..
حلمي بيت في الجبيل الصناعيه ابغى ارجع لها لو يسكنوني في خيمه ..
انا ان شاء الله بعد شهر راح اكون من سكان الجبيل لفترة من الزمن
المكان زي ما قلت تقريباً
وانا ان شاء الله ناوي اعيش هناكـ او في الخبر
تبغي تشوف مكان بنفس تنظيم الجبيل >اسكان القطيف <
هدا تشوفه في شارع الجبيل الظهران قبل الظهران بـ 84 كيلو
المكان تقدر تقول انه مو في السعوديه
ما يستحق الزيارة ولكن يستحق الذكر
لآحول ولآقوه كآن الله بعونك يآ اخوي وبعوني ايضاً بحكم إإنني سأبآشر عملي
بعد العيد في مدينه اشبه مآتكون بالجبيل ألا وهي ينبع الله يعين والله إني
شآيل همم خآصه وأني من سكآن الريآض . . لكن إن شاء الله مع الوقت
اتأقلم واتعود . . كل التوفيق للجميع واعتذر لو ردي تآآآخرر
الجبيل آه
بعد 20 يوم والجبيل تكون هي مسكني
بس قسم انه الجبيل هدوء وحلوة
تذكرني ببريطانيا آخر الليل
في لندن dolis hill
ابشرك ان العزاب سوف يتم الإهتمام بهم في الفترة القادمه.. وإذا حبيت تتأكد شاهد المعدات التي تعمل على شاطئ حي البحر لتطوير الشاطي مع خدمات المقاهي والمطاعم والملاعب للشباب … وهذا اول الخير … المدينة ستشهد في الثلاث سنوات القادمه الكثير من المشاريع التي تهتم بالجانب الترفيهي لجميع الفئات.. وسوف يشتكي الناس مزاحمة اهل المدن الاخرى لهم في الجبيل الصناعية…أتمنى تكون قد تزوجت بعد اكثر من سنه … اقول هذا الكلام وانا على اطلاع بالتفاصيل
وسبحان الله يعاني اهل باكستان انعدام المأوى ونعاني نحن الضجر فيي اجمل المدن … وصدق مصطفى محمود حين قال العذاب ليس حكرا على طبقة معينه..
إحمد الله على نعمة الفراغ وابتغي فيه الدار الآخره.ولا تجعل حياتك مقبره وإستغلها بالأعمال الخيره
عندي سؤال ملح وضروري تجاوب علية انت وزملائك وبسرعه
ماهي الأماكن اللي تتمنى وجودها وكيف تحب تقضي وقتك فيها ابغى اجابات مطووووله ومفصله
بصراحه لا انا حاسب حساب للموضوع هذا ولا معد لهذا الرد
ولكن بما اني من سكان الجبيل منذ 30 سنه فسوف ارد على الاخ الكريم(وسيم)ولا انسى ردود اخواني الاخ/ الشاهين والاخ اهم واحد فما تحدثوبه فهو ااختصر على الكثير من الرد الذي اود ان اكتبه
اتذكر عندما سكنت في حي البحر وقبل 30 سنه كانت الخدمات كالآتي:
التلفون والكيبل فيجن لجميع قنوات التلفزيون التي تشاهدها في امريكا واوربا متوفرة عندك في غرفتك وكان كل يوم احد وثلاثاء يأتي عمال المغسله ويأخذون ملابسنا ويتم ارجاعها اليوم الذي بعده وكان في المطعم الذي مقابل اشارة حي 8 تتصل به وتطلب مالذ لك وطاب منه وبدون ان تدفع قرش واحدا والتلفون كان فيه صفر دولي وايضا دون ان تدفع قرش واحد وفعلا كانت تقدر الغرفه الذي بها سكان في المبنى الواحد تقريبا غرفتين او ثلاث غرف من اصل 16 غرفه وهذا لم يكن بغريب لأن جميع الجيران كانو اوربيين من المانيا والنرويج واسكتلندا وامريكان وكوريين ويابانيين وفرنسيين وكأني اذكرهم الان عندما كنا نتقابل سويا عند موقف انتظار الباص كل صباح ونتحدث مع بعض عن حياتنا البسيطه .
اما الان فقد زرت قبل فترة حي البحر لأسلم على احد ابناء اقاربي اتى من بعيد ليعمل عندنا في الجبيل فرأيت المنظر الذي احزنني كثيرا وابكاني طويلا”. رأيت ابواب الغرف مفتوحة والشيش والمعسل والاغاني الصاخبة ورأيت بعض الغرف يقطن فيها اكثر من 4 اشخاص واعزكم الله بساطير العسكر وجزمهم مرمية عند الباب وبطريقه همجيه وكأنهم يجلسون في قهوة ابوعلي ؟؟؟ كيف هذا الله اعلم ؟؟
بعد زواجي انتقلت الى حي الحويلات سنة 1980 واستلمت ذلك البيت الذي لم انسى مفاتحه عندما اخذته من ادارة الاسكان وكان جديدا وجميع الخدمات والامتيازات التي عشتها في حي البحر انتقلت معي في حي الحويلات وكان كذلك نفس الجيران معي واغلب البيوت التي بجنبي فاضيه وجديده ولم اقل انا لا اريد الوحدة او اريد جماعتي واهلي فكانو جماعتي واهلي يبعدون عني اكثر من 2000 كم فكيف اقول هذا واقطع رزقي لم اجزع ولم امل ولكن توكلت على الله وقلت هذه هي الحياة الكدح والتعب والمر وغيره مما سمعناه من ابائناواجدادنا وكانت ابواب البيوت مفتوحة وكان عن يميني فرنسي وعن يميني بريطاني وعشنا كعائلة واحدة في حي واحد وكان ابنائنا وابنائهم يدخولون بيوتنا وبيوتهم وكل شئ لم يتغير واصبحت زوجتي ولله الحمد تتقن اللغه الانجليزيه وزوجت جارنا تتحدث العربيه وهذا من مكاسب ذلك الزمان وكل المدارس والخدمات والمرافق الترفيهيه موجودة وكان هنالك ايام محددة للنساء في ارتياد المرافق الترفيهيه والمسابح ولم نمانع ونقول فيه عزاب او فيه كذا وكذا كان كل شخص يأخذ نصيبه واكثر من رفاهية العيش والخدمات تأتيك الى بيتك بمجرد اتصال .وكانت حدود الهيئه من الحويلات الى خزان مياه التبريد المعروف حاليا بمحطة تحلية مرافق هذه هي الهيئة فقط كانت هذا الشارع مجرد شارع ساحلي يحاذي البحر وتترامى على يمينه وشماله الاحياء السكنيه والمرافق العامه والفندق هوليدي ان ونهايته قصر الملك الذي قبل كورنيش النخيل وكان ماوراءه صحراء قاحلة ويتوصطها مبنى الهيئه الحالي وبجانبه الكليه الصناعيه وماورائهم من جهة الشمال بر وصحراء بها طرق رمليه ولم يكن اي طريق يذهب شمالا الى طريق واحد انشأته شركة الزيت العربيه وهو للوصول الى حقل بئر جزيرة رأس ابوعلي .
اعتذر ربما اكمل فيما بعد لضيق وقت العمل وشكرا.
اعترف ان مديتنا مملة وتخرع في الليل والعزاب مضطهدين لكن تحملوّ ..مو انتو تبون الشغل والراتب الكويس ؟ ~> عصبت خخخ xD
معليش لكن انقهر اذا سمعت احد يشتكي من الجبيل وهو قاعد يستفيد منها بشغل وسكن (ما اقصد سكن حي البحر >.<" ).. اذا تبي الترفيه لهذه الدرجة فأطلب النقل لمدينة كبيرة فيها كل اللي تبيه , او تحملها واطلع تمشى ورفه عن نفسك كل ويكند.
وعلى فكرة المطاعم ماتتقفل الساعه 11
تمشى ورفه عن نفسك كل ويكند في الخبر و الظهران او البحرين بعد *
عفوا كانت الجملة ناقصة
عن نفسي لقيت اللي أشغل نفسي بيه خلال السنة و الأربعة شهور اللي قضيتها في الجبيل…لكن أتمنى شيء واحد….أنه يتم الإستفادة من الأراضي الكثيرة الفاضية في حي البحر و تحويلها لمرافق ترفيهيه (كوفي شوبز، مقاهي ألعاب شبكة، بولنج، مطاعم محترمة، مقاهي كتب)…و الأخ يجيك العلم جاب بشارة أتمنى انها تتحقق قريب مو بس كلام….
الوضع الحالي في حي البحر هو كالآتي: جو مظلم كئيب….بقالة جربانة…كفتيريا لا تسمن و لا تغني من جوع….و كثير من عناصر المباحث المغروزين في كل شبر من حي البحر…
مو عشان اننا عزاب نعامل كمجرمين….بينما أنواع الجرائم و السرقات بتصير في أحياء العوائل و لا عندك احد!
أبو ناصر: فهمت الرسالة اللي تبغى توصلها…و أتفق معاك فيها
غدير: قلتي:
“معليش لكن انقهر اذا سمعت احد يشتكي من الجبيل وهو قاعد يستفيد منها بشغل وسكن”
عندي رد جاهز بس أخاف يزعل البعض
…غير كذا مالنا الا زي ما قلتي البحرين و الخبر الله يعزهم…
ووووووع البحرين والخبر مثل الزززق
والجبيل احلى
والله يا سوسو الجبيل مدينه حلووه اذا طلعنا برا حسينا بقيمتها ..
انا متنقل بين الرياض والجبيل وانهلي بالجبيل الصراحه ابعد عنها اسبوع اشتاق لها واذا رجعت لها اطفش منها
بعدين بالنسبه لليموزينات متوفره انت بس اتصل ويجيك للبيت يعني احسن لك ..
وبالنسبه للمطاعم بالعككس بكل مكان وفي مطاعم 24 ساعه بعد ..
بالعكس الجبيل الصناعيه اجمل واحسن مدينه في المملكه
وراح تصير زي دبي بعد مرور السنوات
وهي مدينه جميلله ورااااقيه بكل ما تعنيه الكلمه
اهلا وسهلا
وسيم بصراحه أهنيك ع الكلام كله ولا يهونون باقي الكومنت
انا جاي من الرياض طبعا ولي في الجبيل مايقارب 10 شهور
بصراحه شفت موتي بعيني
ساكن لوحدي بس الحمدلله مو في حي البحر
ولا في غرب المزارع لأني حصلت تحذيرات مسبقه من اهل المنطقه
طبعا مو شي جديد علي اني اسكن لوحدي لأني متعود ع هالشي من عمري 18 سنه
لكن برضو أقول أن العزوبي مهضوم حقه في كل الأحوال والأوقات السعيده
<< مدري وش تبي الكلمه …
المهم أن الشريحه هذي من المجتمع تعاني كبت واضطهاد بحت ، أنا ما ألومك بصراحه بحكم انك جاي من جده "غير" أجواء حلوه وأمكان روعه ولا فيه تفرقه وتروح وين ماتبغى حتى ياخي فيها رقي وناس تملكك بطيبتها و تلمك وانت من اهل المنطقه كيف عاد من خارجها …
~~~~~~~~~~~~~~~~~~~~~~~~~~~~~~~~~~~~~~~~~~~~~~~
أنا أحب الشرقيه كـ منطقه حبا جما من قبل أجيها
وأهل الجبيل والله والنعم فيهم عرفتهم عز معرفه وهم طيبين وناس خلوقه فعلاً
~~~~~~~~~~~~~~~~~~~~~~~~~~~~~~~~~~~~~~~~~~~~~~~
“احب أنوه عن نقطه ..
فيه فئه من مجتمعنا
ماني ذاكر اسمها وراح تعرفونها
فئه تعتبر من أحقر الفئات وكل ما وصلو مكان خربوه باللي فيه
انا ما ألوم التفرقه بين العوائل والعزاب دام هالفئه موجوده وتعيش بيننا
ابد ابد ابد ماتعرف تستانس وهم عند نفسهم أنهم أرقى الناس وأكملهم
شايف على ما أعتقد قبل سنتين اللي صار في مدينه الخبر في اليوم الوطني ؟؟
ايش صار …… تكسير وتدمير وليش ؟؟ عشان يستانسون … لاتقول من الكبت (sorry) هذي الفئه هم كذا عيشتهم وطبيعتهم
((كل ماوصلوا محل خربوه))
معليش طلعت عن إطار الموضوع
لكن انا بفضفض 
هنا في الجبيل آآآه ما أرق الجبيل .. << ألعب على نفسي
كل شي محدود من اماكن ومطاعم واسواق اعتقد ان مافيه الا مول واحد او أثنين
عن نفسي من ناحيه السكن هههههههههه نص راتبي الشهري يروح للسكن
طبعا غرفه ومطبخ ودوره مياه
الحمدلله اللهم لا أعتراض
عموما انا ماخلص كلامي بس حسيت اني طووووووولتها حبتين
لي الشرف اني كتبت في مدونتك أخ وسيم وعن جد ماتنلام
ثانين الموضوع عن الجيل الصنا عيه من عام 83م وانا فى الجبيل كان الوضع ف الجبيل احسن من الان كان فيه انشطه رياضيه من جميع النوحى
حرااام عليكم كلكم على الجبيل والله اني احبها ولا اتمنى اني اطلع منها
وبعدين شيسوون للشباب السعوديين لو بس يشوفون عبايه سودا طارت عيونهم والله لو عجوز ولا بنت صغيره 
لانها صراحه منطقه راقيه بمعنى الكلمه
لوسمحتو لاحد يسب الجبيل وربي احسها قطعه مني بس للاسف تزوجت وطلعت منها
والحين قلبي يتقطع عليها وعلى العيشه فيها مو الديره الي رحتلها وربي تجيب الهم والغم وععععع اكرها بس ماراح اقول اسمها 
تحياتي للجمييييع
من اليوم بشيل عفشي وانقل ع الجبيل
هههههههه
السلام عليكم
انا من يوم عرفت نفسي وانا في الجبيل ما عمري شفت شي مو حلو لا من مطاعم ولامن اسواق ولا من مجمعات بالعكس اذا ما عجبك شي كلها 80 كيلوا علبى الدمام والخبر ما يبيلها شي يعني
ماعليش كلامكم عن الجبيل غلط لانكم ماعشتو فيها ابيكم تسمحولي اتكلم شوي الجبيل مدينه صناعيه ومدينه راقيه ومدينه متطوره والى غير ذالك من الكلام الجميل .وبعدين لاتقرنون جده بالجبيل لان الجبيل مافيها حراميه اوكي . ثاني شي الوظايف متوفره والدليل سابك اوكي .وبعدين تقولون انها مرعبه الكلام غير صحيح بالعكس المحلات تفتح الي منتصف الليل .وهذا كل الي عندي والسلام عليكم ورحمة الله وبركاته وتقبلو مرور اخوكم.احمد فريدالنخيلان .
شكرا يادلول على الكلام الجميل الى تقولينه لان هذولا الناس مايعرفون شي عن الجبيل لازم نعلمهم او نفهمهم وشيه الجبيل .كم انتي كبير ياالجبيل .وتقبلي مروري
انا كنت ساكن في الغربيه وبعد فتره جيت الجبيل وبسرعه تاقالمت مع الوضع لاني حبيت المدينه وعلى فكره الجبيل تصنف من المدن العالميه
لازم تكمل فيهاعشرةسنين عشان تصيرفى دمك وتحس انهابلدك واقلك اكثر حتروح جدةو ماراح يعجبك لاالمدارس ولاالمستشفيات ولاالشوارع ولاالشواطئ وراح تحس بالفرق بلدمنظم وبلد….وراح بصير عندك بلدين بلدللهدوء”الجبيل”وبلدللهيصة”الخبر”
لاتقول هذا الكلام عن أحلى مدينه اى احلى مدينه الى انا اعيشفيه
ترى الصراح هيااا مدينه روعه وخباليه
ما شفت مدينه اروع منها في حياتي كلها
لو تروحونها تبون تعيشون فيها
صحيح أن العمل هو محور اساسي في الحياة ،،
ولكن لا ننسى مبدأ التوازن والاعتدال والوسطية في الأمور …
وشكراُ
يا ريت حد يفيدني بمدارسها لاني ناوي انقل من الرياض للجبيل اسعار المدارس العالمية والاهلية كم تتراوح؟؟؟ واريد ان اعرف اسعار الشقق في جبيل البلد والصناعية ؟؟؟؟؟؟؟؟؟ ساعدوني
مسا الخيير اول شي اهنييك عالصرااحه انا بعد تقريبا اسبوعين راح اكون في الجبيل للدراسه في الجبيل الصناعيه بعد ماقضيت حياتي كلها في جده ^~^ مااعرف يمكن أتأقلم اولا بس لما رحت اقدم أوراقي أخذت كم جوله في الجبيل قريبه من مكان الكليه وزرت شاطئ الفناتير صراحه رووعه …الواجهه فيها كل شي ..وشاطئ النخيل وكان اروع خاصة منظره في الليل بس لاحظت اكثر من شي زي ماقلت الحياه هناك هادئه والناس مالهم حس والشوارع فاضيه انا قعدت يومين يعني مااقدر احكم بس هذا اللي لاحظته بس عندي سواال في هناك انديه وقت اللياقه او..غيرها وكيف الأسعار??? …وبس ومعليش عالاطاله
وبالنسبه للعزابيه مااتوقع في اماكن صح كلامك بس الخبر قريبه زي ماقالوا الشباب …انا زرتها مديينه رووعه اكثر مدينه ذكرتني بجده كانك بجده فيها كل شي ويمكن احسن كمان صراحه…محسودين اهل الشرقيه
السلام عليكم ورحمة الله
تحياتي لك ياصاحب الموضوع
قريت موضوعك وشفت بعض الردود فبعضها المنصف وبعضها الغير منصف لها
والنقطه الاهم في الموضوع كله يدور حول العزاب وان حقهم مهضوم في الجبيل
وانا اقولك وانا من سكان الجبيل اني توضفت خارج الجبيل في الرياض تحديدا والله كرهت نفسي والله مالقيت للعزاب مكان غير
المقاهي والا المخططات وكل شوي طابه عليك الهيئه مالينا مكان ننبسط فيه من كلامكم حسيت ان الجبيل تختلف عن كل المدن بالسعوديه
من ناحيه العزاب وانهم معطينهم حقهم ومدلعينهم
على الاقل في الجبيل اذا مليت من البيت تروح المنتزهات ولا البحر تنبسط شوي
وبالنسبه للمجمعات كان مسموح للعزاب لكن حركات بعض الشباب اسمحولي والله مايسويها عاقل لين انجبروا يمنعونهم عنها
المعنى من كلامي كله ان كل المدن في السعوديه زي بعض من ناحيه التعامل مع العزاب بس الجبيل تفرق ان لهم اماكن غير المقاهي يروحون لها ونظافه المكان اللي يجلسن فيه
اه يالجبيل
انا اضطررت اني اروح للكويت عشان اهلي فيهها قعدت في الجبيل 15 سنه والحين انا في الكويت من 2 سنتين والا الان احس اني ناقص شي
والله احسدك لانك في الجبيل وربي
ناسها وجوها وهدوها وبحرها احيييه
الجبببيل ابد مالهها مثييل
اه ما ارق الجبيل تالي اليل </3
من جدك
والله اني احسدكم ياهل الجبيل
قعدت فيها بس خمس ايام وكاني قعدت فيها خمس سنوات
بس القهر تزوجت ورحت مع زوجي الرياض
واحس ان الجبيل قطعه من روحي فقدتها
والله ضلمتها
اه ما ارق الجبيل تالي الييل <3<3
الجبيل كانت مدينه جميله ولكن قد انتشرت فيها ظاهره وهي ظاهرة السباق على المواقع السلطه فيها من قبل المتسابقين على كراسي المراكز الحساسه في البلاد وهم من لايهتم الا بكيفية الاستفاده من مناصبهم ونهب مايمكن نهبه فلايهتمون بمصلحة المدينه بشكلا فعلي فالجانب المظلم من المدينه يكمن في كثرة اللصوص الاداريين في معظم المواقع الحساسه في مرافق الجبيل الحساسه فلاتجد بها من يفكر بمصلحة البلد والساكنين فيها كما كانت سابقا انما في هذا الوقت سوف تصبح مصدر اختناق لمن يسكن فيها والسبب يرجع في فكر المسؤولين فيها عند تنسيقهم للمشاريع والمناقصات فهم لايفكرون كأشخاص يسكنون في هذه البلد بجعلها مدينة مريحه للقاطنين بل معظم تفكيرهم ينصب في كيفية الاستفاده من وراء العقود والمشاريع واستخراج عمولات لهم من الباطن .
فبهذا الفكر يتم تخريب المدينه بدلا من البناء للاسف هذا مايحدث في هذا الوقت
هذه رؤيتي لما يحدث في مدينة الجبيل الصناعيه فالمدينه مركز حساس جدا في حاجه الى من يراقب جميع اداراتها والكشف عن من هم خبراء في نهب المال العام
وهم خبراء ايضا في تغطية سرقاتهم التي تسببت تضييق العيش على السكان وصغار العاملين فيها مع الاسف
السلام عليكم الجببيل افضل منطقه
وانت اللي من جده !!
اكيد انت تحب جده وتشوفها الاجمل في نظرك ولا تشوه اي صوره مدينه اخرى
ماعجبتك مو لازم
والحمدلله الناس عايشه فيها ومبسوطه ,,
ومن قالك مرعبه ؟!
امن وامان وراحه للاخر
واذا على الاماكن مهنا مشكله تسكر 11 ليه تبيها تسكر 3 الفجر مثلا ؟ ولا ماتسكر ؟!
وعشقي الجبيل ولا احد يقول فيها شي
الجبيل أحلى مآفيهى هدوئهآ .. صرآحة كنت في نفس حآلتك بس مع الأيآم مآعآد يهمني .. ~
بصررررررراحة اعلنها لكم …
والله العظيم .. والله العظيم.. والله العظيم..
اني عزابي وعايش كنق في مدينة الجبيل الصناعية … احلى مدينة بعمري كلهـ…,
شباب انا مجرد لقيت الموضوع واعجبني واعجبتني الردود
وبصراحة تامة اقول لكم..
مدينة الجبيل الصناعية مدينة راقية ومدينة متطورة وتحس انك برا السعودية..
يعني وش احكي لك وش ما احكي؟؟!
سكن عزاب على ارقى مستويات.. واللي كان يشتكي من السكن اوجدو حل وشوف المدة انت بين وقت نزول الموضوع ووقت تعليقي وتشوف السررررعة في ايجاد الحلول المناسبة..
سكن العزاب حطوهـ في حي راقي وجميل جدا..
اسم المحلة محلة الاحساء ودارين والفيحاء ومحلات قريبة منها..
ومن ناحية المطاعم فاظن هناك كوفيهات ومطاعم اربع وعشرين ساعة او تقريبا فاتحة الى الساعة 2 في الليل..
واكبر مثال كوفي الفنار ومطاعم الباشا والفسطاط ولا تنسى احلى عصير من عصائر الامارات..,
ومن ناحية الملل والضيق فانصح كل واحد ياخذ له لاب توب وطوالي على احلى كورنيش في النخيل او الفناتير او دارين…
او يشترك في اي اندية رياضية موجودة وعد واغلط فيها…,
انا من ناحيتي عايش احلى جو مع الدراسة في كلية الجبيل الصناعية واحلى جو مع روعة مكان الجبيل والفلة والناسة في ارقى مينة بالعالم..,
على فكرة بالنسبة لمحلات الملابس الرجالية فاعتقد ان كل منكم يعرف مجمع الاسواق بالفيحاء يرووح هناك وحدث ولا حرج في الملابس والخياطين واحلى ماركات واحلى وناسة…
انا من اهل الجنوب وجيت ادرس وقسم بالله اني اذا رحت الجنوب اشتاق للرجعة وللوناسة بالجبيل الصناعية
انا كتبت هذا التعليق عشان بس ابري الذمة واقول انكم ظالمين الجبيل الصناعية…
واترك لكم المساحة في تعليقات جديدة وتقبلو احلى تحية…,
حد يكلمنى عن سكن العزاب بتفاصيل اككتر من كده بالنسبه لايجارات والاماكن الى فيها سكن عزاب كويس وسعره كويس
ضرورى جدا يا جماعه بصراحه انا مرعوب
حد يكلمنى عن سكن العزاب بتفاصيل اككتر من كده بالنسبه لايجارات والاماكن الى فيها سكن عزاب كويس وسعره كويس
ضرورى جدا يا جماعه بصراحه انا مرعوب
انا من سسكان الرياض
وحاليا لي سنتين في الجبيل بالكليه
وباقي لي سنه ونص
والله لو يرجع الزمن حبتين ف اني لن اقبل اني شسمه اعيش فيها او اني ادرس فيها
مدينةة متزوجين بسسسسسسسسسسس
يالبىىىى يالرياض وياديار نجدد
الله يعدي هالسنين على خير وارجع لها
حرام عليكم. قسم بالله
انكم ظالمين اٌلَّـَِْجّـ AL-JUΒΩ̶̣̣̥̇̊ILـَِْبْـَِْيُـَِْلَّ
ياعمي ﺂذآ طفشت باليل ﺂ̷ﺣ̲͠لىْ فراره بالمربع
الذهبي
بعدين مقهى ابوعلي احلى راس تفاحتين بحريني
ـ ـ ـ ـ ـ ـ ــــــــ ـــــــ ـــــــ ـــــــ ــــــ
ومر اخوياك وفرفرو وفرفشو
وشرم برم والحياه تريللي.
يكفيك شوارعها وترتيبها وناسها
بس اُلليٍُـُۓِ يخرب الجبيل الفصعان اُلليٍُـُۓِ فيها
هياااااااط
واحلى فره بحي 10
ومايمر يوم خميس وﻻ ربوع الا فيه شي
بالثلاجات
والله انك صادق ياخي انا ماأدري كيف العالم عايشه فيها اعوذ بالله كأابه وهموم يازين جده واهاليها متى ارجع جده بس اشتقت لأهلي كل يوم افكر افصل من العسكريه وش اسوي طفشت من مدينة العمال هذي كلها عمال اجانب مافيها وسائل ترفيه ولا اي حاجه من عملك الى الشقه وخلاص عكس جده تماما يعني هي ماتسوى اوصخ شارع في جده…
بلد زباله وكئيبه وتجيب المرض والاكتئاب والحياة الاجتماعية فيها (00000000000 صفر 0000000 ) ….
صار لي فيها 6 سنوات وحياتي تغيرت للاسوأ والسبب هالمدينة الزباله … بلد اهلها مافيها ترابط … عادات وتقاليد مختلفة ,,,,,
هذا جايك من الجنوب وهذا من الشمال وهذا من الغرب ,,,,
بصراحة مدينة سيئة جداً ولا فيها اي ترفيه وماتلقى اسواق فيها زي الناس ,,,,
والشي المصيبه انها مدينة غالية جداً جداً جداً جداً
السلام عليكم.
وانا انصحكم بالاستقرار فيها وماراح تندمون..ولوسمحت يامحمد حسين اول شي يبيلك مدينه تعلمك الذوووق وبصراحه مالوك يوم شفت الناس مومترابطين معك لان فيك نقص.. 
انا من سكان الجبيل وهي جداا راقيه وهادئه وتصلح تكون للناس الراقيه والهادئه اذا عن الاماكن بالعكس كل اللي تبيه موجود كورنيشات من اجمل الكورنيشات من ناحية النظافه والترتيب وعندك كورنيش الفناتير كبييييييييييير وباقي ماخلصوو جزء كبير وفيه قسم للعزاب والحين حاطين كورنيش خااااص للعزاب في الحويلات متوفر كل شي فيه توه جديد عند قصر الامير وفيه مولات اللي يقول مافيه اسواق شكلك منعزل من المدينه او اعمى والمطاعم يالبيييييييييييه وتوصيل متوفر وسائل النقل للمدارس موجوده ولله الحمد
معك حق ياميًره من جد على اسمك أميره وذوق ومعك حق في الجبيل اللي مؤ عارف قيمة ها لمدينه ماله مكان بيننا يالبييه يالجبيل أرقى مكان شفت في حياتي
بعض الناس لو قدم له عسل صافي لقال فيه مروره!!!
الجبيل الصناعية ليس. من رأى كمن قرأ وسمع
فيها شاطئ خاص بالعزاب وبدآو يركبون الانترنت فيه ويقول احد مهندسي الهيئة الملكية ان هناك مقاهي ستفتتح هناك وشاشات ستركب
فانتظروا
وحي البحر بدأت خطة تطويره فانتظر المفاجأت من الهيئة الملكية
ومساكن العزاب ليست في حي البحر فقط لمحلة الحجاز فيه شقق للعزاب وحي جلوده كذلك والفاروق الشمالية شركة الجبر وازميل تبنى مجمعا كبيرا للعزاب
حبيبي تدري ليش الدوريات رايحه قايه ؟ لن المشاكل ماتجي إلا من العزاب والا عمرك شايف واحد متزوج مسوي مشكلة ؟! نادر جداً
الاوساخ اللي تتكلم عنها هي صادرة من سكان المكان او الحله .. ولا في احد ينكر وجود الحاويات في كل مكان لكن تجد القمامات مرميه في الممرات والاوساخ وغيره ؟! هي صادره من شباب عزاب ومعروفين العزاب في حياتهم العشوائية .. ليس الكل ! لكن الآغلب !
اما كلامك الجبيل بلد اشباح فآنا معك بهذي مافيها حياااااااااة
انا مارتحت فيهاا ابي الرياااااااااااااااااااااض
انا ساكن في الجبيل وبصراحه هي احسن من جده والرياض والمطاعم تقفل الساعه 2;30
كانت نفس مشكله زوجي وبعد الزواج أصبح الهم همين لاهوه قادر يكمل ولا انا الحياة في الجبيل شي مستحيل بنسبه لأهل الحجاز انني أكره الجبيل لاجيران لامطار لامولات كله سفر في سفر وتعب وشحططه وبعد لو ف اطفال يزيد التعب مع دي المشاوير ضعفها