iPhone vs Blackberry: وجهة نظر!
بيبي و لا آيفون؟….بيبي و لا آيفون؟….بيبي و لا آيفون؟
ما أعتقد انه في أحد من القراء الكرام ما له علاقة مباشرة أو غير مباشرة بهذين الجهازين اللي من الواضح انهم “موضة” الأيام هذي …الله يرحم أيام ما كانت الموضة الجزمة اللي تنور!…فاكرينها؟
ما راح أتفلسف و أقول و الله الناس عقولها فارغة تمشي ورا الموضة و بس…الحق ينقال: انجرفت مع الموضة هذي و قررت أشتري واحد من هذول الجهازين….في النهاية بشر و نضعف قدام الإغراءات…
طيب كيف أحدد أي من الجهازين أشتري؟…بما إننا احنا مو في عام 1995 و أحسن شي في العالم-اللي هو الإنترنت- موجود و أحسن شي في أحسن شي في العالم-اللي هي المواقع الإجتماعية-موجودة؛ كتبت بداية الأسبوع هذا الـ”ستاتوس” في “كتاب الوجوه”* و الـ”مصوصو”:**
iPhone or BB? and why? I wanna buy one of them
الترجمة للي ثقافته فرنسية أو حبرتية: أي فون و لا بي بي؟ و ليش؟ أبغى أشتري واحد منهم
شايف أنصار الآي فون مبتسمين…يحق لكم…المواجهة في “كتاب الوجوه” انتهت بإنتصار ساحق للأي فون…و خرجت بنتيجة مفادها انه على أي أساس أقارن الأي فون مع البي بي؟…الصراحة من أول و أنا في جانب الأي فون و مني في جانب “البيبي”…ليش؟ لأن “البيبي” جهاز بزنس بالدرجة الأولى و هو بالفعل كان موجه لقطاع الأعمال فقط في بداية الأمر لكن عرق الرأسمالية في RIM ما حيفوت نصيبه من كيكة المستخدم العادي فروج للـ”بيبي” و الـ”بيبي مسنجر”…و بس!…..أحنرم رغبات أصحاب الـ”بيبي” لكن بالنسبة ليا ما راح أشتري جهاز عشان شات بس 
في الجهة المقابلة…أنصار الأيفون حاوبوا بكل ثقة على الجزء الأول من سؤالي…و مو كلهم جاوبوا على الجزء الثاني “ليش”….خلوني أوريكم أجوبتهم:
اي فونالسبب ان الميزة الوحيدة بالبي بي هو الماسنجر .. غير كذا الجهاز اسوأ من سيئ … الاي فون ما يحتاج اتكلم عنه
لأنه رائع بكل المقاييس .. جهاز خرافي …
الاي فون ما عليه كلام من البرامج او الالعاب و النت و حتى التصوير جيد بس عيبه البطاريه خاصه اذا انت من هواة اللعب كثثثثثيريعني اي فون و انت مغمض
الآيفون مو جوال
الآيفون جهاز خرافي متعدد الاستخدامات
مشكلته انك لماتفك محا تسك
بس الفرق بينو وبين البرنجلز انك تقدر تشحنو
الكاميرا متواضعة ومن غير فلاش بس دا مو عيب لأنة مو كاميرا …
المشكلة الوحيدة اللي اواجهها هي عدم دعم الفلاش
يعني كتير من المواقع ما تشتغل
البيبي ما مشي معايا بس لو تبغى رأي شوف HTC HD2
انا ما جربتة بس اشوفه المنافس الوحيييييد للآيفون
I would pick the iPhone because it’s more fun…the only reason for me to get a BB is if the company issued me one
الآي فون لا قبله ولا بعده
آي فون و انت مغمض
طيب يا جماعة كلكم اتفقتوا انه رهيب
طيب ليش رهيب؟ ايش اللي يخلي أي واحد فيكم يدفع 3500 ريال في جوال؟
وسيم اذا مستغلي سعرو وهوا ترى ب 2550 مو 3500 بس اذا مستغليه اشتري بي بي خلاص مسامحينك
اذا السعر غالي فيه عرض من موبايلي تاخذه تقسيط والقسط يجيك بالفاتورة
- HTC HD 2:من ناحية المواصفات ممتاز جدا لكن شغال بنظام ويندوز موبايل و اللي يتعامل مع الأيفون أو إس ما يقرب جهة الويندوز
- قووقل نيكسوس ون: قووقل تدعي بأن جهازها حيكون “قاتل الأيفون” و الصراحة أنا أحترم قووقل جزيل الإحترام…و ممكن تسويها….ننتظر و نشوف
أعجبني
:)
على
صراحة أنا أرى مقالك في الصميم يا وسيم (شفت السجع بس ؟)
و الأجوبة اللي جاتك هي أجوبة أصحاب آبل على تقريباً كل شيء يتعلق بمنتجات شركتهم المفضلة.. و للتوضيح, فأنا لا أعني أن منتجات آبل كلام فاضي, لكني مثلك لا افهم سبب الهالة اللي جاية عليها من مستخدميها.
بعدين عامل مهم في الموضوع هو الـ”Product Placement”, فأنت سترى iPhone أو BlackBerry في جميع أو معظم مسلسلاتك و أفلامك المفضلة.
للمزيد من المعلومات:
http://en.wikipedia.org/wiki/Product_Placement#Consumer_electronics_and_computers
السلام عليكم ورحمة الله وبركاته…
الموضوع جميل كالعادة أخ وسيم
بالنسبة للكلام في الأخير انت محق فنحن عندما نشتري شيئا نطلب الفئة الاعلى دائما دون النظر الى حاجاتنا الفعلية…..
الله يرحم ايام النوكيا والسوني ……… عندما كنا نشتريه نطلب الافضل من GPS وكاميرا 5 MP وذاكرة ……… نكتشف في النهاية اننا نستخدم هذه الخواص قليلا وربما لا نستخدمها اطلاقا……
بالنسبة للبي بي وال آي فون …….. كنت في السابق من أشد الراغبين في الآيفون وكان يمنعني عدم توفره في السعودية الا عن طريق مشغل لااحبذ التعامل معه …………… )لاسباب كروية(
عندما رأيته لدى اخوتي وأصدقائي ……… كنت أراهم “يلعبون” به كمن لا يعرف ماذا يفعل أحيانا ……….. فقط يريد انا يستخدم شاشة اللمس……….. يقومون بأخذ صورة …… ثم عمل EDIT لها ومن ثم تنزيلها على الفايس بوك مثلا…….. مثال آخر …… يقومون بتوصيل سماعات الرأس لسماع أغنية أو podcast في أثناء تصفح النت عشوائيا أو قراءة ايميلات غير ضرورية لتضييع الوقت……..
استخدمت الايفون لأحد أصدقائي ذات مرة للاتصال وأنا أقود السيارة ) طبعا غلط في غلط( ولايجاد برنامج الاتصال والبحث عن اسم المتصل …………. كنت سأذهب في خبر كان ………………. ) لاحد يجي ويقول انت الغلطان ….. كلنا بنتصل واحنا بنسوق(
بالنسبة للبي بي صحيح ان مميزاته اقل بكثير من الايفون ….. ولكنه كما قلت أخي وسيم صمم لرجال الاعمال في الاصل …… وبالفعل انه رائع لمن حياته تتسم بالانشغال ولمن تهمه كل دقيقة في وقته………… افضل شيء فيه هو لوحة المفاتيح الخارجية التي توفر الكثيييييير من الوقت وسهولة اتصاله تلقائيا بالانترنت سواء عن طريق المشغل أو شبكات الواي فاي المحددة له مسبقا
دعني أخبرك بهذه القصة ……………….. هو فلم هندي بس حادثة حقيقة
أنا طبيب ……… استطعت ان انهي اوراق متعثرة لي اثناء تقديمي لاختبار في بريطانيا في وقت قصير ….. كنت في المستشفى وجاءتني رنة الايميل المميزة في البي بي ……. كان الايميل من سكرتيرة الكلية الملكية البريطانية …… اطلعتني على اوراق ناقصة وانها ارسلت لي نموذج في البريد العادي …… لم أرغب بالانتظار …….. اتصلت على أحد أصدقائي ممن نجح في الامتحان سابقا لكي يرسل لي نسخة pdf أو word من هذه الاوراق لكنه لم يجب ….. ارسلت له SMS وايميل في نفس الوقت من البي بي …. كتابة الرسالة لم تستغرق مني سوى دقيقة …. تقريبا بعد دقيقتين اتصل علي وابلغني انه سيرسل النموذج ع الايميل ……..بعد عشر دقائق تقريبا جاءني الايميل وفتحته بال بي بي….. ملف ورد ……….. قمت بتوصيل البي بي بأحد كمبيوترات المستشفى لطباعته ) ال USB كيبل أخذته من أحد الزملاء( وقمت بطباعته وتعبئته ……………. أحد زملائي كان خارجا من المستشفى بعد مناوبة مرهقة ……… لحقته في آخر لحظة في موقف السيارات و ذلك بالاتصال عليه من البي بي أثناء نزولي من الدرج بسرعة )لم يستغرق بحثي عن اسمه سوى ثانية( …….. اثناء توجهي له مسرعا أخذت ابحث عن اقرب موقع لارامكس من المستشفى عن طريق النت لكني لم اوفق فاخذت الرقم الدولي واتصلت عليهم ……. أخذت الموقع ووصفته لصديقي ……. المشكلة انه كان يعرف موقعهم بالقرب من المستشفى ………. ما علينا ………… المهم ان الاوراق ارسلت في نفس اليوم وبعد يومين جاءني الرد من السكرتيرة بوصول الاوراق وقبولي في الامتحان …… الوقت من قراءتي للايميل الى تسليم الاوراق لصديقي أخذ مني اقل من نصف ساعة ……. وكان ممكن يكون اقل لو كان في طابعات WIRELESS في المستشفى
الخلاصة : لو كان معايا آيفون ما راح استخدمو وانا طاير ولا نازل من الدرج بسرعة لأن حجمه كبير والكتابة عل الكيبورد التتش مملة ……………………
بقية الأشياء اعتقد الايفون والبي بي متساويين
P.S. البي بي اللي معايا هو اقل نوع CURVE 9520 أعتقد …. ولذلك لأسباب اقتصادية منها طبعا الاختبار آنف الذكر ……. الله يعوضنا بس
اهلا اخوي وسيم…وخيرها في غيرها بالنسبة للطلعة الي تكنسلت ونصيبك في الشماته راح ارسله لك ايميل لعدم اتساع مساحة المدونة…
وانه مما يثلج الصدر معادوتك للكتابة في المدونة وعودة الأيام الجميلة التي ننتظر فيها تدوينتك…
بالنسبة للموضوع…فهو موضوع مهم جدا عند شراء اي سلعة استهلاكية ومن السهل جدا ان الواحد يقع ضحية البحث عن “الأفضل” في اي شيء…
برأيي المتواضع، قبل لا تشتري اي سلعة حدد الاشياء الي انت تبغاها الحين (مو الي ممكن تحتاجها بعدين) وعلى هذا الاساس حدد اختياراتك وسوي المقارنة.
لان المواصفات كل مالها تزيد واذا انت تدور على الأفضل ماراح تخلص …
احب اشكرك على القصة اخوي باسم…اهم شي عندي الكتابة بسرعة وسرعة الوصول للاسماء والانترنت…وقصتك وضحت لي كل الاشياء الي احتاجها…اشكرك
استمتعت كثيراً بقراءة مدونتك يا وسيم
و أعجبتني تعليقات الفانز تبعك <<<<<<<< صح عليك ياللبناني
……………
بالنسبة لموضوع الآيفون و البيبي فشخصياً ما هضمت أي واحد منهم
فالـ بيبي مجرد ماسنجر في جيبك <<<<<<< فقط
بينما الآيفون يحتوي على كمية فلة زايدة على ان تكون في جوال
وشخصياً أفضل ان تكون الفلة (الأغاني والأفلام) في جهاز منفصل
…………..
الجوال وسيلة اتصال أولاً و أخيراً
فيجب ان تحدد نوعية وطريقة الاتصال اللتي تستخدمها (مكالمات – رسائل نصية – ايميلات – الخ)
واختر الجوال اللذي يساعدك على أداء هذه الوسيلة بشكل مناسب
جهاز خفيف – كيبورد كامل – شاشة كبيرة
وبالتوفيق
when u first posted this and linked me on twitter, i read it on my tiny Blackberry browser, the last line reminded me of something that happened the other day.
I was in the car in Andalus street in Jeddah, in one of those infamous traffic jams. I was looking through my Blackberry only to suddenly hear the teenager in the car next to mine scream: “ab3′a akallimik 3ala al peepee, a36eeni al peepee 7aggik! aish hada! ab3′a akalimik ana! ana 3indi peepee kaman!” at that point my mother, who was in the car with me, burst in laughter. I was still in shock, i don’t handle mu3akasat very well and i don’t want his peepee!
التعليق على شكل نقاط
- الـ BB ما دخل راسي ابدا .. بدون الـ instant Messaging الجهاز يفقد اللي اشتهر عشان ( في محيطنا على الأقل ) .. النت والايميلات متوفرة باي جهاز اخر ( وجهة نظر شخصية جدا )
- IPhone شخصيا افضله .. لكن هل احتاجه فعلا ؟ هنا السؤال اللي مانعني اشتريه الى هذي اللحظة ( مثلا: عندي اي بود ) .
- وقعت ضحية البحث عن الافضل بداية العام الماضي .. واخذت سوني اريكسون اكسبيريا .. وحاليا مرمي في الشنطة واستخدم جوال نوكيا ابو 180 ريـال فيه كل اللي احتاجه : Address Book + SMS
خلاصتي .. هل تحتاج اللي فيه ولا لا .. هنا بتعرف اش تاخذ سواء اي فون ولا بلاك بيري .. أو نوكيا ابو 180 ريـال
أحلى كلام يا هشام (سجع بسجع
)
شكرا على المرور
باسم: شكرا على مشاركتنا تجربتك و بالفعل هذا الإستخدام الصحيح للهواتف الذكية
محمود صديقي: ما وصلني الإيميل!
اذا أخذناها من باب ايش اللي احتاجه فبيني و بينك البلاك بيري أرخص نوع يلبي احتياجاتي..و اذا أخذناها من باب الفشخرة فالأيفون يا حبيبي…
مصطفى: شكرا على تعليقك
على فكرة….انت مصطفى صاحبنا أخو خوينا هذاك؟
أسماء: بالضبط!محد يبغى الـ”بي بي” حق غيره
شكرا على مرورك
أحمد: البلاك بيري خلاص فقد ميزته بعد ما أعلنت نوكيا عن خدمة مشابهة (Ovi Contacts) و ببلاااش…وعن نفسي أبغى جهاز يربطني بفيسبوك و تويتر عل طول…و بس!….فما أظن ان الأيفون له لزمة…غير انه مخلص أصلا عند موبايلي!…دورت في أربع محلات ما لقيت…ايش دا؟؟؟ فجعة أيفون؟
تحياتي لك
مرحبااا وسيم ..
تدري .. والله ان جهازي ان 80 نوكيا
تذكره .. عندي من 2007
ولا ابي اغيره .. رغم ان عندي خير وكيذا
بس مابي
احب هالجهاااااز
لان بالنسبه لي التلفون
مكالمات ومسجات وبسسسس
اممم ويمكن استديو للاغاني اتسمع لما اكون بمكان بروحي وابي اتسلي
بسسسسس
لكن غيره .. مافكرت فيه ..
بس الصج مرات يغري الجهاز بالتكنلوجيا اللي فيها
لكن لما اتذكر ان قدامي لابتوبي اضحك علي نفسي
شنو ابي بتلفون يشبك بالنت وانا اصلن شابكه
فراغه صراحه ^_^
لا تشتري اي واحد منهم .. وخلك علي قديمك .. لان قديمك نديمك لو الجديد ….. اكمل الفراغ ولك ايفون مجانا
لوووول
سلااااااااااااااااام
بصراحه اخوي انا بعد محتاره هالأيام ودي بآي فون وصديقاتي يبوني اشتري بي بي عشان اكون شابكه معاهم ع طول،البي بي ماحبيته مع ان اخواني عندهم وجربته لكن مادخل مزاجي لعدة اسباب..1- حجمه ولو ان البولد الجديد صغير لكن يبقى كبير.2-خاصيته الاساسيه (المسنجر)بصراحه ماحبها،خصوصا لي كطالبه جامعيه اشوفها تشغل عن المحاضرات لدرجة ان دكاترة الجامعه اذا شافوة بايدنا بالمحاضره يشكون فينا وبالتالي ينزلون بدرجات النشاط الفصل(تخيل).٣-دفش كشكل.
اما الايفون فهو عاجبني لأنه:١-حجمه حلوو يعني لاكبيير ولااا صغنون وسط ومريح في استعماله.٢-التطبيقات اللي موجوده فيه كثيره ومتنوعه(نت سهل الاستخدام وخصوصاً لمحبي يوتيوب وتويتر وفيس بوك .٣-قارئ pdfواضح ومريح حتى لقراءة الكتب الإلكترونيه.
كل هالمزايا تعجبني لكن في شي واحد وهو اهم شي، اللي هو…ليش اخذ جهاز ثاني(الآيفون)وانا اصلاً املكmac book pro 13 inch ونضراً لحجمه الصغير ووزنه الخفيف فإني اقدر آخذه معاي الجامعه حتى لو بالشنطه عادي…وبالتالي اقدر استفيد منه اكثر من الآيفون…
وفالنهايه…قررت ماآخذ ولا واحد منهم ^^
فالمسأله ماهي مجرد جهاز عجبني اروح اشتريه…لا،لازم اشوف احتياجاتي وضروف الدراسه او العمل وشراح استفيد منه..او الاحسن اني استغل هالمبلغ في شي ثاني احتاجه اكثر
لو الجديد أغناك…هيا فين الأيفون؟
سلااام
مثل ما قلتي…الواحد يشوف ايش يحتاج و على هذا الأساس يقرر…لكن للأسف احنا مو كذا…
عموما…نفسي طابت من الأيفون….كل ما أروح محل أبغى أشتريه يقولوا لي مافي…فجعة أيفون و ربي!
سلااام
على مافهمت أنك لسه محتار
المهم يا سيدي بحكم أني آي فوني وأشتريت الجهاز وانا مستغرب من الزحمة هذه وأبغ أشوف القصة بالضبط ايش
كنت أبغ أفهم ايش معنى كلمة رهيب وخرافي وايش الجهاز اللي ما بقي اي احد الا ويتكلم عنه
بعد الشراء ويوم بعد يوم أكتشف ميزات جديدة تخليني ما أندم أكثر
أقدر ألخصلك أن المميزات تكمن في أن المبرمجين مو عاجبتهم دكتاتورية آبل وجالسين يكسرو في الحماية ويطلعلولك برامج تتناسب مع استخداماتهم
الاي فون جهاز سريع ونظامه التشغيلي خفيف سهل الاستخدام مليء بالتطبيقات اللي تسهلك استخدام الانترنت والشبكات الاجتماعية سواء فيس بوك او تويتر او غيره
خاصية البوش والنوتيفيكيشن موجودة تساعدك على تتبع الجديد في الانترنت أول بأول
اذا كسرت الحماية وشفت تحديات المبرمجين لسياسات ابل فهذا عالم ثاني
تقدر تستخدم الاي فون كمودم للانترنت بالوايرليس – برامج تسهل من استخدامك للاي فون مثل استخدام أكثر من برنامج في نفس الوقت
يعني في النهاية هي فلسفة وعلى حساب الرؤية
اشوف جوالات الاندرويد منافسة جدا
صارخ…
بالفعل….ننتظر جوالات الأندرويد و نشوف ايش ممكن تقدم لنا…
أبغى أسألك: من فين قدرت تدبر أيفون؟
كل ما أروح فرع لموبايلي يقولوا لي خلص الين ما نفسي انسدت منه!
و الله العالم قاعدة في مجاعة أبفون!
تحياتي لك
اول شي الـ iPhone سعره مبالغ فيه مرره )3000) ريال وهو ما يستاهل الصراحة, اقدر اخذ نفس الجهاز بنفس المواصفات بـ 900 ريال !!
اللي هو الـ iPod touch نفس الآيفون بالضبط بس من دون شريحة
وبعدين الايفون فيه عيوب كثير منها واهمها: انه مو Multitasking
يعني ما يمديك تشغل اكثر من برنامج مع بعض!!
مشكلة البلوتووث و مشكلة الـ MMS ومشكلة الفلاش
واغلب اللي يشتروا الايفون يشتروه عشان الالعاب !!
آخد بلاكبييري بـ 2000 ريال ومعاه ipod touch بـ 900 ريال
وما وصلت قيمة الايفون
وزي ما يقولوا best of both worlds