السفر للخارج: للعوائل فقط!……تخيييييييييل؟!
تخيل لو تحول إلى العنوان إلى حقيقة؟!
يعني تخيل يوم من الأيام و انت في المطار و لا على منفذ حدودي مسافر على أحد البلدان اللي مافيها سيكيوريتية من طقة “عوائل يبو الشباب” و يجيك موظف الجوازات يقول لك “معليش يبو الشباب ما تقدر تسافر…..عوائل”!
تخيل…مجرد تخيل…ايش راح يكون ردة فعلك وقتها؟
طبعا زي منتو شايفين أنا موجه خطابي للشباب بس عشان حبيباتنا الصبايا مسويين فيها مساكين و العالم معطيتها صك الغفران من زمان فيعملوا اللي يبغوه…فلو سمحتوا يا ليديز بالله على جنب شوية 
ايش اللي طلع فكرة زي هذي في راسي……ادخلوا هنا قبل لا تكملوا باقي الموضوع….
عن نفسي..الكلام اللي قاله خوينا مو داخل دماغي أبدا أبدا أبدا….شكله الموظف و رئيسه كانوا طفشانين قالوا خلينا نطقطق شوية على الشباب ما هم مدعوسين بالجزمة أصلا فما حتفرق معاهم…مستحيل يكون الموضوع من جد…بس مجرد التفكير في الموضوع حتى من باب الإفتراض يخلي الواحد يطرطع!…أما يقول لي معليش ما تطلع عشان اليوم عوائل كثير طالعة! أحا و أحتين كمان!…و تلات أحات…ما صدقنا نفتك من شرهم و أذيتهم جوة البلد كمان حيقرفونا برة البلد كمان؟؟؟؟
ترى و ربي طفشتونا انتوا و عوايلكم…كأنكم انتم الوحيدين اللي عندكم أمهات و اخوات و بنات…الواحد صار يشك في نفسه لا يكون مسوي جريمة و لا شي….لا سكن للعزاب زي الناس و لا يقدر الواحد يدخل المكان اللي يبغاه براحته…مو معقول ان الانسان يصير شبهة بس عشان حالته الإجتماعية “أعزب”…
يعني دحين أبغى أفهم….الواحد اذا أرتبط و صار “صك الغفران” يمشي جنبه خلاص تبعد عنه كل الشبهات؟؟؟….معليش حكون ظالم شوية في النقطة هذي…ما عرفت في حياتي أدشر من الشياب و المتزوجين…و اتحدى أحد يقول غير كذا…الشباب فيهم صيع كثير لكن كثير منهم مساكين لو المرور شاف واحد منهم مظلل القزاز الخلفي طينوا عليه عيشته…
و الله حيجي اليوم اللي حيندم فيه المجتمع عل معاملته للشباب بهذي الطريقة…و راح أفكركم وقتها إن كان لنا عمر إن شاء الله…و الله يا جماعة غلط….المعاملة اللي يتعامل فيها 60% من سكان المملكة…غلط و الله غلط!
“جيل فاشل”…”جيل ما عنده هدف”…”جيل ما اتربى”….ما عندهم غير هذي الجمل و نسيوا ان هذا الجيل هو من صنع أياديهم…هو من نتاج عقلياتهم و ثقافتهم البالية…معاملتهم للشباب بهذي الطريقة هي أكبر دليل على فشلهم هم….مو فشلنا احنا!
جنبنا البحرين و الإمارات و قطر…شبابهم يا حليلهم محترمين يدخلوا محل ما يبغوا و لا بيعملوا مشاكل و لا يعملوا زيطة و زنبليطة….عندهم عقل زايد و لا رجل زايدة و لا يمكن يد زايدة؟…زيهم زينا اللهم هناك أعطوهم فرصة يعبروا عن أنفسهم..معتبرينهم جزء من المجتمع اللي حيساهموا في تطوره….بإختصار بيعاملوهم كبشر!….مو هنا و الله ان البهايم تتعامل أحسن من معاملة المجتمع للشباب!
انجرفت مع الفكرة بقوة…لكن لا تلوموني….عندنا ناس تفكر بشكل غبي جدا و تحمل الكل خطأ البعض…راح أفترض في كلام خوينا انه مزحة أو كان في سوء فهم….بس لو كان الكلام صحيح و صادف انه في يوم من الأيام موظف الجوازات قال لي سرري ما تدخل بس عوائل…ردي عليه زي ما قالت السيدة قعقع:
و الله في قلبي كلام كثير….بس خلاص تعبت…عشان نقفل و كل واحد يروح ينام أقتبس جملة قالها مايكل مور:
I refuse to live in a country like this…and I am not leaving
سلام….
أعجبني
:)
على
المفروض يصير في العزاب، خليهم يحوشوا شوية فلوس عشان يفركشوها في ليلة، و يا صابت يا خابت
ايش تتوقع؟ كان ياما كان في قديم الزمان، العازب اللي يتنفل في منطقة نائية يتزوج منها، منها يعيش و يعيّش، اما الان فاصبر الين ما نشوف بنت الناس اللي ترضى تتمرمط معاك في الداهية اللي انت فيها
الله يعينك و يعين العزاب… انا بصراحة لا احمل عليهم اي ضغينة، لكن هناك بعض الفئات اللي يبغالها نفي من الهبالة اللي يسوها.
على قصة عوائل يا اخي ليه ما تتزوج؟
كم عمرك ؟
و ليه شايل على العوائل؟
هل انت شاذ جنسيا؟
المعروف بعد عمر 19- 20 الانسان يتزوج !
واذا ما عندك فلوس للزواج الله يخلي الدوله !
يكفي بتدي 45 ألف سلفه زواج !
والجمعيات الخيريه بتساعدك في تأثيث بيتك؟
اللي اعرفه اماكن تجمع عزاب الغالب تجمع شواذ
استحي على دمك و تزوج
و لا تتستر بعباءة عزاب و عوائل !
و تخفي حقدك على اهل الحسبه و المذهب السني !
وعلى عفافه الناس
اذا عندك عادي سويها مع اهلك
برا البلد مو هنا
البحرين عوائل ؟؟؟
الفكرة بحد ذاتها ما تركب في الراس
لكن جماعتنا يسونها، ليش لا!!
ماهو قالوا بيقفلون خدمة البلاك بيري في السعودية الفترة الجاية
الله يستر من اللي جاي
______________________
:?: :?: :?: :?: :?:
عبدالله انتا جاد ولا قاعد تمزح؟
اكيد تمزح صح ؟
الموهم:
الولد اللي كتب الموضوع اعرفه شخصيا وأكد لي الموضوع لكن(حط عليها خطين) انو هوا ما راح اخوياه,كان مشغول, بعد فترة رجعوا وقالوا انو رجل الجوازات منعهم وقال عوائل !!
(هم بيضحكوا عليه ولا هم جادين ,الله اعلم)
مسكين الأعزب عندنا في السعودية يعامل كانوا حشرة. أنا أفكر جديا بكتابة خطاب شكوى لحقوق الانسان ونحكي معاناتنا لهم عسى انو الوضع يتغير.
ياما زرنا دول خليجية وغير عربية وماعمري شفت سيكورتي يمنع ويقول عوائل بس !!
ولحد يقول ايوه هما غلط واحنا صح !!
المفروض فترة الشباب من أحلى فترات العمر,دحين اقول يا رب متى اتزوج عشان احس اني بني ادمي !!
شكرا على تدوينك يا وسوس
المشكلة هي في اللي يشغلك ليل نهار حقوق المراة وحقوق المرأة
انا ما قد شفت مثل بلدنا في تقديس الحريم ، واحتقار اي شخص ما تمشي معه حرمه ، والدليل في كل مكان عوايل عوايل !!!
يا صابت يا خابت….هذي قضية و آآآآه بس لا تقلب المواجع
و اللي بيسوي هبالة و قلة حيا المفروض يتعاقب لوحده مو كل يتعاقب على خطأ البعض….
منور يا قصي….
عبد الله:
ايش فيك ياخي معصب؟ ترى الموضوع ما يستاهل العصبية هذي كلها
عموما خلينا نمسك ردك سطر سطر
“على قصة عوائل يا اخي ليه ما تتزوج؟”
ظروف شخصية ما تخصك…
“كم عمرك ؟”
لو دورت في المدونة حتعرف بس في كل الأحوال أكبر منك و كان المفروض تتكلم بأدب أكثر من كذا
“و ليه شايل على العوائل؟”
مني شايل عليهم….أنا شايل على المجتمع اللي يصنف الناس حسب حالتهم الإجتماعية..
“هل انت شاذ جنسيا؟”
she doesn’t think so
“المعروف بعد عمر 19- 20 الانسان يتزوج !”
في عالمك الخاص اللي مخترعه في راسك و عايش فيه
“واذا ما عندك فلوس للزواج الله يخلي الدوله !
يكفي بتدي 45 ألف سلفه زواج !”
المسألة مهي مسألة فلوس يا عزيزي…كل واحد و ظروفه
“والجمعيات الخيريه بتساعدك في تأثيث بيتك؟”
هذا سؤال و لا معلومة و لا ايه؟…استخدم علامات الترقيم في مكانها الصحيح
“اللي اعرفه اماكن تجمع عزاب الغالب تجمع شواذ”
أهنيك على ذمتك الواسعة….و تذكر انه حيجي يوم حتحاسب فيه على هذا القذف
“استحي على دمك و تزوج”
حاضر طال عمرك…دحين أروح البقالة و أجيب لي بريالين زواج!
“و تخفي حقدك على اهل الحسبه و المذهب السني !”
ههه…و الله انك فلة…شكلك قاري لك كم موضوع في النت و جيت تسوي لي فيها شيخ
عيب عليك…أنا ما جبت سيرة “أهل الحسبة” و كيف أتعرض لمذهب أنا منه؟
لا تكثر الله يخليك من موقع لجينيات و ذاكر دروسك أصرف لك….
“وعلى عفافه الناس
اذا عندك عادي سويها مع اهلك
برا البلد مو هنا”
عربي يبو الشباااااب الله يخليك
شوف….شكلك صغير و لسه في فوران المراهقة…عشان كذا حأعذرك..
لكن نصيحة مني…انت قذفتني و قذفت شباب كثير…يعني حاط في ذمتك بشر كثيرين…أستغفر ربك يا حبيبي
و شكلك برضه لسه عظمك طري ما شفت شي في الحياة هذي…عشان كذا لما تاكل خازوق محترم في حياتك و يخليك تعرف الحياة على وجهها الحقيقي تعال أتكلم معايا…
الله يسامحك بس….
مصطفى: لا تستبعد أي في الدنيا هذي
منور يا باشا
كوكي: لا فكرت تكتب الخطاب و لا تروح لهم أعطيني خبر
العفو يا باشا
ثامر: بس مين يسمع..قسما بالله عالم منافقة بوجهين….و قاعدين يضحكوا على حبايبنا الأطفال زي خوينا اللي فوق!
منور يا حلو…
هههههههههههههههه والله تدوينة اليييييمة
من جد تخيل يصير هالشيء
ليش تتخيل هو صار اصلا خخخخخ
عالعمووم في السعودية كان الكبح
بهالشكل الصارم هو اللي مخلي الشباب
يوصلون لهالحال
وفي الامارات و ….الخ
ما يعانون هالكبح الصارم اللي نواجهه
تلقى الاسواق مفتوحة للي يبيها
والدنيا كلها بخير
وزي ما قلت فيه ناس طيبة وناس (مو طيبة) خخخخ
لكن مشكلة التعامل عندنا انه قايم على مبدا
الخير يخص والشر يعم
كم حركة في سووق تسوي الهوايل في الشباب كلهم
وكلنا شفنا الشباب اللي انقذوا الباص اللي غرق في الرياض
في كوبري السويدي
محد اخذ المدح الا هم مه ان هالشيء المفروض يدل ان الشباب فيهم خير
عالعمووم انا زودتها هناا وكثرت الهرجة
استاذنك
ومشكوور عالتدوينة الرائعة
وردك والله مو بصاحي خخخخخ
ههههههههههههههههه
أما البحرين عوايل ؟؟
وش ذس من جد !!
لكن كل شئ جايز في زمن العجايز ،،
وعاد الحين كثرت سفرات العوايل للبحرين بحكم
وجود السينما وغيرهأ ،،
ممكن بكرهـ ينطون لك سكيورتيه ويقولون
عوايل ،، وعاد دورها ،،
وبعدين من قال ان اللي معه ( صك غفران ) يعني مو شبهه
على حد ما اسمع نص البنات الحين عند المولات وما ادري ايش
بخمسين ريال وتدخلك السوق
هههههههههههههههههههه
صارت تجارهـ ،،
اللهم لك الحمد ،، أني ما أطيق الأسواق والمولات
أخلص كل شئ ابيه بمشوار واحد ،، وما ارجع ابد ابد ابد
،،
عوأإآإأإآإفي يا وسيم
لا أبشرك بعد فترة بتكون الكرة الأرضية للعوائل فقط
^^^^^^^^^
صلي على النبي يا هو